[內在成長] 為什麼我們本自具足，卻仍感到匱乏？

好多經文都會講「本自具足」、好多身心靈理論會講「內在本來就豐盛」，好似講到本身人就咩都唔駛做，就會有名有利，就會豐盛富足。但係事實上，其實個個都總要追呢樣追果樣，覺得呢樣唔夠果樣唔夠。點解呢？

佛學中，有一個概念，叫做「相」，意思指「表象」或「執著的對象物」。例如，諗一下幾年前，可能我地都有過：「我一定要升到呢個位」、「我一定要買到呢樣野」、同人鬧交一定要証明自己岩...... 呢Ｄ執著，都可以叫做「著相」，即係對外在現象或內在概念產生執著，誤以為它們是真實、固定不變的。而係呢Ｄ時候，其實我地並唔係做緊真實的自己（本心），而係「假我」。本心係本自具足，假我係求而不得，但很多人都是認假為本。

「相」從何來？

首先，依據我地的感官六根（眼、耳、鼻、舌、身、意），外界事物可以分成六塵（色、聲、香、味、觸、法），當我地用感官（六根）接觸外界（六塵）後，就產生六種印象（六識）。然後呢Ｄ印象，會根據我地過去的經驗、社會文化，被我地判別好壞，產生唔同喞感受。所以其實好多外界的追求，美酒跑車相機金錶、高薪高職高級品，講到底，追到嘅只係一堆感受。

繼而，為左繼續擁有判斷為「好」的感受，再追求某Ｄ外物，對某Ｄ外物產生執著，以為擁有某Ｄ外物就等同自己係一個點樣點樣嘅人，如果擁有唔到就等同自己係一個點樣點樣嘅人。而其實呢Ｄ都只係標籤，係「假我」，唔係「本心」，亦即係「著相」。

感受並非真實

痛苦，或者匱乏，係點黎呢？舉個例子，你買六合彩，發現中頭獎二獎，係米會好開心？好興奮？即刻開始諗要買咩野，去邊度玩。然後諗住拎飛去對獎時，發現張飛唔見左，搵極都搵唔返，你會唔會好失落？好沮喪？

以為中獎嘅時候，未拎到錢，但會開心興奮；而張飛唔見左，其實自己並沒無失去任何野，都會失落沮喪。甚至乎唔需要真係有果個「物」的存在，我地已經可以產生唔同嘅感受，即係「心識隨外境波動」。

當我地將外界無常嘅外物，或者與之產生的印象、感受，與「我」掛勾，把六根六識當成了我，不停外求，感受必然隨著外界的變化而變化，沒自由可言。外界永遠變化無常，得到了又會再失去，無一例外，短暫的快樂之後又是無盡的煩惱，內耗沒完沒了。呢個就係匱乏感的根源，痛苦嘅根源。

本自具足

「本自具足」指我們本心已經完全具備創造任何感受的能力，不需要向外界獲取。我地所有人本來就都有「覺性」，可以向內求。

好多時候，係我處理嘅個案入面，當案主釋懷某Ｄ事某個人，療癒過去某個受傷感，重拾返力量，整個過程都係一個「向內求」嘅過程，所創造出黎嘅感受、力量都係具大無比。

向外求，求而不得，向內求，源源不斷。

「凡所有相，皆是虛妄，若見諸相非相，即見如來。」

--- 《金剛般若波羅蜜經》

「至人無己、神人無功、聖人無名。」

--- 莊子．《逍遙遊》

重新定義成功：以出世的心做入世的事

什麼叫成功呢？成功只有一種，就係用自己想用的方式度過這一生，利己利人，心靈平靜自由和諧，空性利他。如果一個人擁有很多財富，但佢嘅感受係不足、焦慮、抑鬱，算係成功嘛？

或者有人會講，向內求，唔駛食飯咩？唔駛做咩？

凡夫畏「果」，菩薩畏「因」。內在的思想、信念係「因」，外物係「果」。思想信念會產生相應的說話行為，一點一點一步一步作用於外界，導致某一個結果。

"Watch your thoughts, they become your words; watch your words, they become your actions; watch your actions, they become your habits; watch your habits, they become your character; watch your character, it becomes your destiny."

(積思成言，積言成行，積行成習(慣)，積習成性(格)，積性成命(運)。)

--- The Iron Lady (2011)

再者，向外求，就會無常，而好多人接受不了無常，所以煩惱和痛苦，顛倒妄想，分不清表像和本質，又給各種表像貼上了是非對錯的標籤，所以一直匱乏，一直沒有安全感。

向內求，係為左可以令我地食飯嘅時候、工作嘅時候，唔再有對立、好壞、和分別，不將一時的外物感受等同自己，回歸本心，目的清晰，可以以出世的心做入世的事，在「空性利他」的作用下，有無窮嘅創造力，做任何事都無往不利，無堅不摧，順利舒心。

"The odds that we're in base reality is one in billions. " (只有幾十億分之一的可能，我們是存在於現實中。)

--- Elon Musk ＠ Recode's Code Conference 2016

借假修真的智慧

所以，我地應該放棄外物嗎？Of Coz Not!!! Elon Musk 佢更相信呢個世界唔係真實嘅，佢都照樣做全球首富。

So! 佛道兩家有一個共同嘅修行理念，就是「借假修真」，借虛幻的相、覺悟真實的本心。真假之間並不是對立，而是一個整體。學習區分外在的「相」同內在的「本心」，了解六根六識不等於「我」，做到「以果推因」，從每一個結果，去學習覺察內在的思想信念。我地可以有慾望，有想做的事，但唔需要執著。放下執著、放下分別批判，體驗本自具足。

「色不異空，空不異色。色即是空，空即是色。受想行識，亦復如是。」

--- 《般若波羅蜜多心經》

-------------------------------------------------------------------------------------------------------

具體方法如何做?

快來參加「豐盛修習社」!!!

🌿豐盛修習社🌿是一個每週固定聚會的共修空間，

透過冥想、探討主題、書寫、與小組支持，

幫助你在日常生活中，一點一滴重塑與金錢💰的關係。

按此查看「豐盛修習社」